|
Venne diffuso, nel 1936, ad opera di qualche parroco, un opuscoletto, stampato in Cosenza, per i tipi de "La Provvidenza", intitolato: "Novena del S. Natale e canzoncine popolari". Le "canzoncine" sono quelle da me raccolte, con qualche variante, negli anni '50, dalla viva voce di un'anziana donna originaria d'uno dei paesi della provincia.
Eccole:
Ora s'accosta la bramata ura
chi nāsciari volia lu Verbu Eternu,
Giuseppi ccu 'Maria facianu strata,
ppe' Bettilemmi, allu forti 'e du viernu.
Si scrissi la seconda e la chiamata
secreta, nnicessaria 'e du Guvernu;
nun pōttiru la sira fari via
e restaru a Bettilemmi alla strania.
Aviti vistu a Giuseppi e Maria
porta ppe' porta circari riciettu?
Amici e parienti chi li canuscia'
tutti l'hanu cacciati ccu' dispiettu.
Puru s'arridducianu a 'n'osteria,
mentri chi riposavanu ccu' affettu,
de nuovu furų cacciati ccu' suspettu
de la gran fulla de li passeggieri.
Dissi Giuseppi: - O Diu dell'alto Cielu,
duvu puortu a Maria ccu' tant'amuru?-
La notti lii fallisci lu penzieru,
de cchių l'acqua e lu vientu li martura.
Mentri Giuseppi facia chissa preghiera
cumparvi 'n angiulicchiu e lii dicia:
-Vua jati a Bettilemmi a tali banna...
cā lā ci trovereti 'na capanna...-.
Giuseppi, ccu' la figlia de Sant'Anna,
puru s'arridducianu a 'na furesta;
e trāsinu intr"a misera capanna,
ch'era suggetta assai alla timpesta.
E chilla Virginella veneranda
a menzannotti cunzulata resta:
de li visciari sua sacrati e puri
nascėu l'innamuratu Redenturi.
E l'angiuli cantavanu
e la gloria 'e Diu sonava.
Oh! chilla santa notti de Natali
chi cumparėu 'na stilla all'orienti,
dissiru li tre Magi: - O Redentore!
E' natu lu Messia stamu cuntienti -.
Trėdici juorni ccu 'penzieri uguali,
appriessu de la stella d'Orienti,
a 'na misera grutta, 'ncumpagnia
trovarunu Gesų 'mrazza a Maria.
Gāsparu fu lu primu e li diciu:
-O dolci figliu de l'Eternu Patri,
cumu nascisti afflittu a 'na stranėa,
tu chi guvierni li celesti squatri?-
-Iu t'ho purtatu la curuna mia,
alli piedi sacrati di tua matri;
iu t'ho purtatu 'n'atra massa d'uoru,
chi m'arricchisci 'st'arma quannu muoru-.
|
