|
La "strenna" del Natale 1936 non riporta più i prodotti ed i relativi prezzi. Nei versi si coglie, fra l'altro, l'entusiasmo e l'interesse suscitato dalle figurine della Perugina, fra le quali c'era quella del famoso ed introvabile feroce Saladino.
Zuccaru e li festi de Natali'...
Zùccaru, ppe' Natali, ha priparatu pasta, farina ed ugne beni 'e Diu!.. urrunu de Bagnara, profumatu, chi s"upruovi ci tuorni, beni mia!... Pàssuli, mustazzuoli e susamielli, ppe' cuntentari ranni e quatrarielli!
Ci truovi 'u Sangiuvanni e lu grispiellu, cà Zùccaru 'un cannuscia mala annata!.. 'I grossisti lli fanu de cappiellu, 'u stimanu ccu' rrobba priserbata!.. Però, lu baccalà è ppe' li crtjenti, ch'allazzoppanti nu' li spetta nenti!
Burru, butirri e provulunu fìnu, formaggiu 'e tutti quanti li maneri, prisutta, chi su' moli de mulinu, sazizzi, chi sun'asti de bannera, suppressati, zamponi e mortatella e de Ciriu ha puru la scutella.
Si ti piaci pua lu cafè chiusu, duvu 'ssu Zuccarìellu puru 'e jiri!.. 'U cafeju Ylly e lu cchit d'ordurusu ch'all'angiuli 'u guliu lilli fa veniri. Truovi puru 'u spumanti de Cinzana, chi nugne guccia li malati sana!..
Tutta 'ssa rrobba pua duna ppe' nenti, cà nun su 'juorni chissi 'e guadagnari!.. Basta ca su' cuntienti li crienti, Zùccaru nun ci teni alli dinari!.. Ti duna rrobba bona, supraffina, e lu guadagnu? ti lu fa ppe' strina!..
Perciò, ppe' 'ssu Natali tutti quanti duve Zùccaru jati a vi serviti! Pagati pocu 'a rrobba cchiu lliganti, chi si mangia ccu 'gustu e ccu 'piaciri. Ed a chi spenni cchiù, fina 'a Bifana, rigala 'na buttiglia de Cinzana!..
C'è puru 'a merci della Perugina, chi cedi propriu a priezzi de fattura... Là potiti trovari la Rigina, 'u conti 'e Munticristu ura ppe' d'ura, Adorfu, lu Feroci, 'u Ciambellanu, 'u Re Taruoccu ccu' la mazza 'mmanu!..
Curriti poca tutti, 'i caramelli de 'ssi tiempi, su' buoni ppe' la tussa. Chilli 'e menta sullèvanu 'i cerbelli!.. E nun vi fanu fari 'a nasca russa. Zùccaru vi cuntenta a tutti quanti, massimamenti intra 'ssi juorni santi.
Acri, Natale 1936, XV E. F. II dell'Impero
|
