Bambinuzzu di docu a ffora
venitivindi a la casa mia,
ca vi conzu lu letticedu
pe’ ‘sta pòvara anima mia.
Anima mia, no’ stari cunfusa
ca Gesù ti voli pe’ spusa:
e ti spusa e ti guverna
e ti manda la gloria eterna!

Ed ecco l’originale racconto della Notte Santa:

E’ la notti di Natali,
è la festa principali:
e scindiru li pasturi
p’adorari lu Signuri.
E ninna e ninna la oh...
dormi Gesù e fa’ la vo’... (si ripete)
Bambinedhu duci duci,
jeu ti portu li me’ nuci:
ti li scacci e ti li mangi
e sta’ zzittu e cchjù no’ ciangi.
E ninna e ninna la oh...
dormi Gesù e fa’ la vo’... (si ripete)
Bambinedhu duci e amatu
jeu ti portu lu nucidhatu,
ti lu mangi ‘n cumpagnia
di Giuseppi e di Maria!
E ninna e ninna la oh...
dormi Gesù e fa’ la vo’... (si ripete)
Bambinedhu duci assai,
‘nu pethrali ti portai,
ti lu manda la mamma mia
ch’è cchjù ricca di Maria!
E ninna e ninna la oh...
dormi Gesù e fa’ la vo’... (si ripete)