Cumu s'ha fhattu randi u
cimiteru nùastru!
Cappèlli novi novi e pitturati
e, si li guardi dintra,
oh cchi bellezza!
Tutti chjni di marmi lucitàti,
di juri fhrischi e finti,
di fhoti e statui 'i santi.
`Agenti fhanu a gara
mu sti cappelli
parinu cchiù belli,
e nun ti pua sbagliàri,
si ancùnu mùartu
`e' jiri a visitari:
u numi d' a famiglia
è scrittu randi e cchiàru
cumu si vi dicèra "sugnu ccà,
trasìti, vinìtimi a truvà".
Povari, ricchi,
là un c'è distinzioni,
stanu tutti `nzzema
e un fhanu discussioni.