A Carmìnella, ch'è sempri pipirìta,
è tuttu u jùarnu chi cci doli lla capu,
a mamma, tutta quanta prioccupàta,
"fhiglia - cci dici - t'hanu affascinatu!".
Davèru, oh mà, po' esseri davèru,
ca stamatìna, quandu haiu nisciutu
a fhiglia d' a cummari haiu affruntatu:
mpena m'ha bistu m'ha guardatu tutta
e ccu lla vucca aperta ha rimanutu.
"Viani sùbitu ca ti vùagliu alligiriscìri
e llu malùacchiu ti vùagliu caccìari,
unn'ha sirvùtu a nnenti c' amu misu
tutti stì pezzi russi allu barcuni !
Nu comicìallu t'hàiu d'accattàri
si putimu stà jettatùra assicutàri".
Si c'è chi dici
c'a sti cosi un cridi,
nun vi fhidati:
quandu nesci e bidi ca c'è ancunu chi `u
guarda
minti sùbitu a manu `nt `a sacca
e fha lli corna.

(*) Credenza popolare di una volta.
Purtroppo ci credono molti ancora!