Giràndu nt'è rughi di Cafhàrdu,
d'a Miràglia e di la Craparizza
hàiu vistu tanti casicèlli tutti chiùsi:
si vidi ca non sunu cchiù abitati,
l’erva allu purtuni cci ha nisciùtu
e ancùna grasta rutta allu barcùni
nun teni cchiù né pampini né juri.
`Na vota èranu chini di quatràri
squazùni, arripizzàti, ma cuntìanti,
`sti vinillùzzi d'u paisi mia!
Mo tanti su emigrati ppi llavòru:
allu Nordu, alla Mèrica, all' Ustràlia
e d 'i ritràtta lùaru
nd'è chjìna a vitrata
di `na vecchia spuntuniara.