Na vota, quand'eramu guagliuni
e nunn'aviamu nenti ppi Ila capu,
putiumu diri ch' eramu fhilici
eppuru un fhaciamu nenti di spiciali:
na passiata, allu cinima,
na jucata alla corda, allu palluni,
a tocc'ontocca, allu pizzicu,
allu strumbulu e nnu giru,
ma no supra na vespa o a muturetta,
ma supra nu carruacciu o a bricichetta.
Mo parinu arraggiati sti guagliuni,
i mammi nenti cci fhanu mancari:
i vistiti firmati, a motu e llu buanu mangiari,
eppuru, un sacciu mancu cchi bbò diri,
teninu tutti a crisi esistenziali.