Quantu rispettu e quanta stima avianu
'nta sta ruga 'na vota li vicini;
'nta gioia e 'nto duluri ti vidia;
s'impristavanu 'u pani, 'u sali, l'uagliu
e puru milli liri, s'accurria.
Ti guardavanu puru u quatrariallu
si alla campagna tu avia 'cchi ffhari;
e Ila sira, quandu pua ti ricuglìa
biallu pulitu tu fhacianu ajhari.
Parica siantu ancora a Catarnuzza
chi grida ccu Ila fhiglia picirilla:
"Madonna 'Ndulurata 'cchi fhacisti!"
E cummari Nugenza allu maritu:
"Madonna mia du Carminu
rumpisti sta buttiglia!"
E c'era 'na signora
'ca a chiamavanu "A Catanzarisa"
ca i guai da vinella tutti illa apparava,
'nghizzioni, durci, luci, funtani, e pranzi i ziti.
Mò nun c'è 'cchiù armunia 'nta sta vinella,
guagluni 'cchiù un si 'ndi sentinu jucari;
i randi quasi tutti u Signuri l'ha chiamati,
i giuvani sanu spusatu
e chisà 'nduvi su jjuti!