Diccélu, sùorma – fhammìlu ‘ssu favore –
diccèlu ca la pìensu sempr’e cchjiù
ca m’è restata sempre sempre ‘ncore:
cci lu puè dire, sùorma, sulu tu.

‘Ndimìna quante vote hajiu penzatu
e me cumpidàre ccu tie chi già sapìe
quantu, ‘e guagliùni, nue ne simu amatu
chi a ppoc’a vota nde chjiangìanu ‘e vie.

Ne simu perduti. Nun sacciu duv’è,
‘un cce torna, cumu tandu, a Ssuveria
E llu dispìeru miu cchjiu rande è.

Tu sapìre lu pue. ‘Ntra pupa mia
si de ricùordi duci mo cci nd’è.
Diccélu: d’illa sìentu ‘a nustargìa.