Cumu si bbruttu! Si de mandra cane
Ch’abbaia assai e mmùzzica de cchjiù,
d’’e povaracci nun d’hai pena tu,
puru si ud’hanu ‘na callozz’ ‘e pane.

Ccu ‘nu purcìellu n’annu hau cumbattutu
a llu civàre ppe llu fhare grassu,
sulu ppe cce campàre e nno ppe spassu
e mmo pur’a cabbella ha’ pritendutu.

Ccu priputenza ‘ncasa sua te’nzicchi,
cce sequestri la carne e ppur’ ‘u lardu
si un paga. Ma su ssul’i ricchi

c’avèrranu ‘e pagare. Ma si guardu
sulu ‘e chilli chi han’i portafhogli sicchi
pritìend’i sordi. Si propru bbastardu!