Saluti, Majistà... Vegnu tremanti:
non sacciu si su sarvu o su perdutu:
"perdutu" alcuni, e "bravu" dinnu tanti,
"vai carceratu, zìmmaru furnutu".
Lu Paternostru? Eu non vi fici nenti,
nu sulu Paternostru,lu Signuri
ntra l'Ortu fici, santu ed innocenti:
tu lu tradisti senz'affettaturi.
Ma li judei, li perfidi invidiusi,
non tolleraru, e Cristu fu nchiovatu:
e li impiegati notri murrittusi
mi vannu ncaccia, mi vonnu arristatu.
Giustizia, o Maistà, s'aju ragiuni!
"Ragiuni nd'hai per leggi di lu Statu:
cui scrivi verità è vilacchiuni
si temi di qualunqui magistratu.
Tè stu mandatu, e fatti cunsegnari
tricentu liri pe su puetari".
Viva lu re d'Italia e patri caru!
Evviva la sua leggi e lu soi nomu!
Addunca lu sù poeta parla chiaru:
vui siti re daveru galantomu.
finna chi campu scrivu e no la cedu:
scrivu Pregheri, Misereri e Credu!
|
|
