Non sannu i nenti ssi paroli c'assumigghjanu ô ventu dî vineji chi lurgi gonni e faddali e po' ntô celu si perdi pe misteru.

Sunnu ssi labbra toi, mbeci chi fannu jornu puru quandu scura e non trovanu n'ura u sonanu campani 'mpesta nta stu cori.

Sugnu cottu gugghjutu e tu mi guardi arridendu dû barcuni comu se u tempu ndavi sempi tempu u cogghji na rosa chi si si cunzuma mbanu russijandu.

U sacciu, ca po' mi vo' cchjù bbeni ma oji mi dassi arretu i ssu pannizzu d'acqua mpisa chi vaji e chi veni senza u duna lifriscu né riposu.

Po' fermu l'occhji e viju cu dispettu nu gaju chi nchjana e scindi dâ pujeja.