Tutti u canuscìanu ‘nt’ o paìsi.
D’illu ni ricurdàmu cosi boni:
se ppi vistìri, ‘un si vistìa di lussu,
pigghjàva deci liri ccu llu mussu;
si ‘ntr’ o barru cci offrìa ‘na coca cola,
fhacìa sùbitu ‘a mossa d’ ‘a pistola,
picchì a llu cìnamu illu sempri jìa
e ripitìa lli mossi chi vidìa.

Parràndu ‘taliànu sulìa diri :
“ Guardàti cumu la pistòla stringo,
pirciò m’avìti di chjamàri Ringo.”

Mo ‘unn è cchjù cca ‘st’ amìcu, povarìallu,
è chjùsu a ‘n istitùtu a Serra Ajìallu.
‘U vidìmu ogni tantu cca, alla Posta,
ma ‘un c’è cchjù alla gara d’ ‘a pasta.