Féti, cchiù ca fetìssi lu pitùsu...
vi mpésta mu stuppàti vùcca e nàsu: )
se mùzzeca vi fàci nu perùsu,
se schiàtta, di nosìa veni lu scàsu!...
Màla vidùta ch'avi!... schiffùsa: )
chiàtta, e cù testa vàscia, sta riprìsa
m'arrìcchia, e quandu poi ) sta porcarùsa )
silenziu senti, cùrri tìsa tìsa,
e gìra undi nc'é prùppa mu l'annàsa;
e non rispétta schiétta o frìsca spùsa!...
E arriva ntra l'arìcchia mu fa càsa,
sta fàcci di rruffiàna scrianzùsa!
S'aggràppa ntra li càrni, e léggia sùca,
fin'a chi s'ùnchia quantu na vissica;
ma quandu cedi poi, nc'é la marùca: )
Pàri cà vi passàru cù l'ardìca!...
E avògghia pemmu sòni la chitàrra,
m'azzìppi l'unghij finu ntra la sùrra;
la cardacìa non pàssa, e sgàrra e sgàrra...
senti rfrìscu se lu sàngu sbùrra!
Ed è civìli pùre, la brignòla;...
jarrìa cercandu li létti di gàla...
sénti lu kjàvru frìscu di lenzòla,
undi la mégghiu càrni dormi e sciàla.
Ntra Marzu ha mu si fa la medicIna
di morti e non mu dàssa vìta sana:
Acqua gugghiùta e potàss'alcalìna,
mu nci struggìti l'ova ntra la tana.
Facitincìlla puru na passàta
d'oghiu petrogliu mu mòri arraggiàta!
