'Nu latriciellu finu
Aviade abbilittatu a 'nnu casinu
Piensica cchiu' dde cientu
Vrujili antichi, chjni
De pezze d'ariggientu
De dudici carrini.
Eranu misi 'm pila a 'nnu stipune,
Cumu sacchi de granu,
E abbastava dde stennere 'na manu
Ppe' re ffare canciare de patrune.
'U latru finu: -
Cchi mmale cc'e', ppardiu,
Si 'a mancu 'a stiennu iu? -
C'e'di ca cc'e' 'nnu cane
Fidile, a ru patrune... -
E' bberu; Ma, 'mmuccannule 'nu pane,
Se sturde dd''o patrune? -
E 'nna notte, a ru scuru,
Strisciannu muru muru, -
Te cca'! - Disse a ru cane. -
Spizzijate 'stu pane
E lassame passare
Senza mancu jatare. -
Ma cagnuolu latrau
E re pezze sarvau.
Si 'mparte de 'nu pane
'Nu prisuttu le dava,
Chi sa si chiru cane
Chira notte latrava!
|
|
