Quannu Ti viju mpinnutu a chista Cruci,
ripensu a com'è stata a vita Tuia.
Si nnatu poveru e poveru si mmortu,
a predicatu paci, amuri e fratellanza.
Propriu ppi chistu T'annu misu in cruci.
Dicivi ca u regnu Tuiu unnè i stu munnu,
e ch'eri u FigghJiu i Diu Onnipotenti.
A Mamma Tuia sapiva tutti i cosi:
a sufferenza c'avivi patiri
e a morta ca duvivi suppurtari.
I poveri e l'affritti
Tu i chiamavi beati.
Ma cu Ti capisciva?
Cun'è ca Ti seguiva?
Erunu troppu pocu:
i semprici e i pizzenti.
Volivunu i miraculi ppi cridìri.
Allura a trasfurmatu
l'acqua in vinu,
ccià datu a vista a nu ciecu natu,
a fattu caminari nu sciancatu,
nu mortu seppellitu
a puru abbivisciutu.
Ma unn'è servutu a nnenti:
T'hannu accusatu,
t'hannu calunniatu.
"A morte! Crucifissu!"
Hannu gridatu.
E a morte T'hannu misu
subba na cruci.
U T'hannu mai cridutu,
e mancu mo Ti crìdunu,
e a genti si cumporta
comu si Tu u ci fussi.
Nun simu abituati a tantu amuri,
e nun cridimu a Unu,
ca pi sarvari amici, frati e figghji,
si fa ammazzari
comu n'agneddruzzu
e duna a vita suia senza fiatari.
|
Pochi paroli a dittu subba a cruci:
"Pirduna a chisti, o Papà Miu divinu,
pirchì daveru u ssannu chiru ca fannu".
Tu a perdunatu a tutti
ppi chiru c'hannu fattu,
e nuji ppi na parola ca n'offenda
arrivotamu u munnu
e ni volimu sulu vindicari.
O caru miu Gesù,
si Tu turnassi nata vota ccà,
truvassi n'ata cruci, senza pietà.
L'omini ingrati
i chistu munnu infamu
su diventati peji i l'animali.
Nun c'è rispettu,
u c'è cchiù dignità
nemmeno ppi i guagliuni
e i vecchiareddri.
S'ammazza puru u patru
e u patru u figghjiu.
Quanta marvagità,
quanta viulenza!
Nessunu cchiù ci crida
a nu ritornu Tuiu.
Eppuru Tu l'a dittu
e ancora u dici,
ma a genti ormai u crida
a sti prufeti Tui,
a Vassula, a Conchiglia e a Dozulè.
Na vota Tu l'à dittu puru a Mia,
e iu ci cridu e aspettu ca Tu veni.
"Veni, Gesù,
cà in tanti t'aspettamu,
ccu tanta ansia ma ccu tanti amuri.
Veni a portari nta stu munnu stranu
giustizia e dignità e tanta paci,
cà genti parra i paci e d'armunia
e dinta u coru inveci
tena a guerra".
|
