Ciàmbri, frischèri e zzìmbi 'ncannizzàti,
jumènti, muli e ciucci 'mpasturàti,
ziròlla, parparòtti, pùlici e muscùni,
sùrici, carvunàri e zampagliùni.
A notti 'nta 'sti zimbi ti cripàva!
Curcàtu a 'nu pagliùni 'mbaschiàva.
'Nta 1'ùmitu, a llu tùastu, 'nsardillàti,
durmiamu a 'sti tucùlli arrunchjunàti.
Scuràtu, senza fhùacu 'un putia stàri,
'a fhùma assicutàva Ili zanzàri;
l'ùacchji l'avìamu russi e 'mbisicchjàti,
di pàpuli e cravùnchji 'mbillicàti.
Nissùnu avia lli sdrippi a praja 'e màri! ...
'A ggènti si sintìa scandalizzàri.
Nùa avìamu i cazunialli 'mbratillàti,
sculurisciùti, Manghi e squacquaràti.
I fhìmmini ccu càmmigi a rutùni,
suttàni di cambrìccu a strascinùni;
'nta l'acqua chìlla lòba 'nsumiàva
e si vidia 'n'umbrèlla chi natàva!
Lla ssùtta cc'era pezzi 'mbulicàti,
mutàndi e brachissini arrumbugliàti.
Abbòglia, caru mia, mu taliàva...,
'na scaglia 'i carni jànca 'un t' 'a mustràva!
'Un ndi vidia villìchi quantu 'mbùti,
minnèri quantu vòzzi scuvirùti! ...
Sguizzari, Ulandèsi, Spagnùali e brun'arpini,
capicchji cumu cràpi e picurini.
M' armènu a praja 'e mari putia jìri,
ch' 'o sàngu 'un t' 'u sintìa 'ntrugulisciri! ... |
