'Nu giúvini m'ha dumandátu:
"Chin'era llu zzu 'Ntoni? 1
' Nu priaviti, 'n abbucátu,
'nu giniráli 'i divisióni?
Di áutra genti 'un ndi sáantu parrári
e a 'Ntoni Paláia 'un s"u púanu scurdári?'
“ Eh... si sapéri chini é statu!
Unu cha ppi ll'amici s'ha spugliátu.
Nd'avía ricchizzi! Ma púa s"u 'mbuccáru,
ppi cchístu fhacía llu mastru landijáru!
cci piaciánu i spizzicaríalli,
i pichinícchji e lli sciambarrialli...
E' statu 'n úaminu sintimintáli,
i fhátti Cu zzu 'Ntoni, súnu pruvirbiáli.
'U sai cchi dissi 'nu júarnu 'ntr"a marina?
"Sarancíscu 'un passáu llu strittu 'i Messina?
E íu, ccu ttuttu cha 'un sugnu santu,
vúagliu passári 'u mari ccu llu mantu".
Era 'n úaminu cha 'un chjacchjariáva:
s"un c'éranu cristiani ...s'annigáva.
Ndi fhíci sirináti, nd'ha cumbinátu ancúna!
E s"u vidía sbruffári cantandu 'na canzzúna!
"Amai 'na donna e cci díazi `stu córi,
cridíandu cha lu súa m'avía di dari.
Vinni llu tíampu e cci 'u jivi a circári,
Nné llú mia e nné llú súa mi vózi dari!
Chista é lla pena mia, lu gran dulúri,
ch'accáttu sempre ciúcci...e váju a ppedi.
'I fhímmini su' tutti 'i 'na manéra,
póvaru fhigliu 'i mamma chi cci 'ncáppa!
O móri... o nésci pazzu... o va 'n galera ".
Nd'ha avútu lussu, riúaggi e aníalli d'óru,
Ragáva ncuallu nu mantu 'i castóru! |
|
