Nemmènu n'ha 'bbirtùtu ch'arrivava,
èranu quarant'anni chi mancava. '
Mbicchjàtu ammalappèna 'u canuscìa,
'i làrghimi parràndu si vivìa.
« 'Ntr'America, nipù, guadagni assai
ma 'stu paìsi nùastru 'un t' 'u riscùardi mmài! ».
Quantu camìnu ha ffàttu 'sti jùarni chi cc'è statu,
va' fhrìsca quantu rùajuli ha giratu!
Stratèlla, Craparìzza, 'nt' 'o vàgliu di Ciciùni,
Cafhàrdu e Ila Vignòla, 'u Bràcciu e Muragliùni!
'Ncialàtu ad ogni pìzzu si fhirmàva
ed ogni cosa antica ritrattàva.
Cìarti jùarni d'apprìassu cci hàju jùtu,
s'arricurdàva ffàtti... chi m'ha 'neitruliseiùtu.
« 'U vi' a 'stu pòstu? Quand'èramu guagliùni
jucàvamu 'ntra l'ùartu 'i Muzzicùni.
Spònzi, cròzzi 'i fhinùacchj, lattùchi 'ncapucciàti
'a sìra cc' 'i fhuttìamu a llatrunàti.
Era Ba fhàmi! Si nnò ppicchì cci jìa!?
'U pàni ccu Il'amici t' 'u spartìa!
Nipù, guarda 'sta villa! 'U nùmi cci ha ristàtu
ma chìsta è 'nu garàgi asciumicàtu!
Nduv'è chillu vivìari?...
L'acqua ccu Ili chjatrùali lustriàva,
fhigùrati ch' 'a luna si spicchjàva!
Di vàcchi, ciùcci e mùli 'nturniàtu,
di sdànghi di sciarrètti accuppulàtu.
Vidìa 'n'arbulatùra ch' 'o cìalu cci truzzàva,
'a casa 'i Rusulinu virdiàva!
E cchilli dùa fhuntàni cum'èranu 'ngarbàti,
ndi rifhriscàru vùcchi 'nsuvaràti!
'A gènti stanca e stracca si fhirmàva,
sudùri e purviràta si sciacquàva!
E cchilla scalinata! Basta mu cci saglìa
'na scàglia 'i paradisu ti parìa. |
Hàju truvàtu tuttu arruniàtu!...
Nemmènu 'nu parmìantu cci ha ristàtu.
'U 'ntìnnu 'i chilli cùanzzi t'annacàva,
assimigliàva 'n'arpa chi sunàva.
Di mùstu, cupìalli e tòrchji 'ntartaràti,
tini, mastrialli e ràspi sparpagliàti.
Viàtu chilla fhràga ch'adduràva!
S'avia 'accuttùfhu a vvìantu ti sanàva.
'Mbèci mò tutta l'aria è guastata;
l'hàju lassàta sana e 'mbarzamàta!
'Sti stràti stràti 'u sai echi ssi sintìa?
'N'addùru 'i fhìanu e mustu e pani chi cucia.
Trappìta, giàrri, fhrìsculi e pignàti,
ùtri, lancèlli e ffràschi 'ncatastàti.
'U nùazzulu 'u curàtulu 'u vrusàva,
vidìa 'na nèglia 'i 'ngìanzzu ch'adduràva ».
'U bruttu vèni mò, ccu 'stu zziànu mia!
Jìa 'n cèrca 'i pìgni e gghjìasa e 'un lli vidìa.
Parìa 'na tìrga, 'i dìanti 'i sdirruzzàva
quandu ha bidùtu 'a gghjìasa cha mancava.
« Fhànu palazzi... e nnùllu 'ha carculàtu,
pòvaru Santu Rùaccu (4)hànu sfrattàtu!
I Santi cchju 'mpurtànti nissùnu 'ha gimintàti,
su' fforti, cchjù sintùti e affibbiàti!
Rùaccu ccu llu jinùacchju 'un s'ha rijùtu
ed ogni ventarìallu l'ha putùtu.
'U fhòrti l'hànu sempri... rispittàtu,
'u cani ha muzzicàtu a llu strazzàtu! |
