Tant'anni fa a Santulia u nomu lu cangiaru
pemmu li nda mettunu, natru chi li fa giustizia
Vallefiorita, beddha, nta provincia e Catanzaru

Nta terra e stu paisa, criscia puru a spicanarda
sta terra, e vasata do sula, e bagnata e l'acqua
cu nu viernu curtu e duciu, e na stata longa e cadda

Sti vaddhuni, carrichi d'olivari ,di frutta e castagnari
segnu ca u Signura ,e cca` passau, u ni Benedicia
puru l'aria e profumata, tu si comu, u primu amuri

A genta e stu paisa, si po` vantara ,cu muntagni e mari
chi li tenunu corta,cu mara e Schiddhaci,e u mara e Vibu
a notta fonda ,e a lumu e luna ,di luntanu , nu presepiu pari

L'anticu avia reggiuna, l'anticu dissa, l'anticu no si sbagghiau
chista e a scola, chi ni ficia, chiddhu chi simu,e u dicu cu cora
quantu hatiga nta sta terra, ma a la hina,pe dira u vero, assai pagau

Genta cu pocu scola,ma inteliggenti pe natura ,e cu tantu coraggiu
onesti e lavoratori,fuori partria partiru,mu si guadagnanu u pana
cu i loru sacrifici,u paisa si ngrandiu,e a scola ficia u figghiu saggiu

Saluta e bbena sempa , ricchi di sangu, e poveri e dinari
amici di rispettu in piazza ,ansiusi a prestara aiutu a tutti
tuttu cora e pocu malizia,di grande animo ed eroi esemplari

2010 Gustavo Bongarzone