Festijaru a Catanzaru !
Giallurussu ‘u ventijaru
Ccu banderi a tutta l’ura
Para a festa d’o Signura.

Mò nci vò << cchí allegria!>>
A chjazza balla, cu’ ciangìa !
Fhjocchi gialli, nastri russi,
Festijaru <<quantu gutti!>>

San Mbitalianu protettura,
Ti pregamma do matinu,
Ma sapimu ogni simana,
‘Stu verdettu ccussì finu.

Finarmenta ‘na nchjianata!
In C1,<< cci volia !…>>
Passa tempu s’apra a strata,
Ma ti pigghj a megghju vija.

T’u cangiàsti a vista d’occhju,
A na beddha squatra<< è festa >>
Mò tu cacci ‘u pettu ‘e fora
Taccu e punta tira ‘e testa.

Cci volìa cci volìa !.>>
Si dicìa a ’na potica,
Cca cc’è festa ddhà cc’è vita;
Meritamma << benadica !.>>


Quantu genti nt’a si strati.
Ccu banderi trumbi << e jiati!>>
Cc’è ccu sona c’è ccu scatta
Cc’è ccu grida e cu’ s’icazza.

<< Cci volìa, cci volìa !.>>
Catanzaru è culurata,
Bancareddhi, mustazzoli
Na pipita <<a cchjù stonata!>>

L‘emigrati su‘ cuntenti,
’Ncunu penza, ciàngia e cora,
Ca ’sta vota Catanzaru
Pìgghja palla, pìgghja gloria.

Si nda parra si nda parra,
Nord sud ‘e ‘sta nchjanata,
Ca surgìu Catanzaru,
Mara, munti,tutta a squatra!

Tanti cosi furu fatti,
Su cuntentu d’o Comuna
E stu sindacu cchi sana,
U malannu , ogni puntuna.

T’i conzàu capu, pedi,
E vò bbena <<’ u cittadinu!>>,
E s’umilia s’iddhu ‘u sapa,
Senza sordu e nu destinu.

Festijaru ‘u Catanzaru, !
Tutti arretu na maglietta,
Puru sordi cu non ava,
Si scattàu cche na bellezza !

‘U morzeddhu, u cora amicu,
I tri ( V ) !i barzamamu !…
E poeti sì nd’avimu
E ccu verzi ti lodamu.

E non mancunu tenori !
Ccu chitarra e mandulinu
Ma ni cantanu ccu cora,
<<Seria A, scudettu u primu !>>

Giallurussu Catanzaru
!U morzeddhu, bbonu u vinu
Viva a squatra, u pallona
E ‘u tifu cittadinu.

Giallu ‘u sula,
Russu ‘u focu,
( Fora gabbu )

<< E W u jiocu ! >>.

Forza ultràaaa………….
Forza Catanzaru.

Dedicata ai tifosi ultras di Catanzaro !

Testo di : Mimmo Badolato
Poeta e musicista catanzarese

MILANO 4-9-2003