Si merita 'na strofa 'sta gazzosa,
Ancora sempa 'e tutti cunzumata,
T'a vivi quandu 'u stomacu 'on riposa,
T'a vivi po' aspettandu 'na cacata.

Si merita 'na strofa 'sta gazzosa ,
Rispettu all'acqua iddha frizzantìja,
Ti fà gruttara e fà calara a posa,
Ti manda 'a leggerezza puru a ttia

Buttigghj 'e gazzosa picciriddhi,
T'i vivi e ti rifriscanu 'i cerveddhi,
Ti cacciunu 'u grassu d'a vucca,
Ti mandunu cchjù aria nte gudeddhi.

Buttigghj de gazzosi ammunzeddhati
I vidi nte putichj vichj vichj;
Gazzosi a cafè e a limuna,
'A panza 'a panza 'u megghju provuluna.

A chjazza Roma 'n'era <<'u giuvanottu,>>
Patruna 'e na putica 'a cchjù antica,
Cchi grutti! quantu vinu! cchi gucciulijiara !
E 'nterra nc'era sempa d'asciucara.

Trasìanu 'i ggenti ppe' accattara,
A li voti si sedìunu ppe' mangiara,
Nu pocu 'e carta 'e pana ppe' misala,
E vinu ccu gazzosa 'a refriscara.

<<Gataaa !>> 'sta vita 'on 'ha' po' fara!
Cc'u stomacu e cc'a a panza 'on po' jiocara,
Mi para ca 'nu bbonu cannarozzu,
Tu mangi ti gurdi a cchjù 'on pozzu.

E tu coddhi 'u gassu e l'acqua frisca
E ti cridi ca 'on si, tu n'omu fissa,
Ma ojia ti vivisti 'a gazzosa,
E doppu standu bbonu mangi posa.

E mò tu, 'sta vucca l'ha' e fermara,
Ma inchj prima 'a panza c'ha' penzara,
Accussì 'nu pocu 'e posa po' mangiara,
E po' cc'a gazzosa 'on ha' cchi fara.

Gatàaaaaaaaaaaaaaaaaaaaaa!

<< E mbiviti 'na gazzosa on ci penzara !…>>