Senza dinari non si canta missa,
si non l'unti, la barca non vara.
Stilla di l'Amantia quantu si' bella,
tu fusti nata a parti di marina;
lu mari ti manteni frisca e bella,
comu la rosa russa a lu giardinu.
'A Luzzitana e' bella e si po' amari:
e' janca e russa comu rosi e jhuri;
'u cuollu e' de palumma 'mperiali,
intra lu piettu sua dormi la Luna:
l'occhiuzzi su' la stilla di Natali,
e la vuccuzza 'na rosa ch'ordura.
Si si sparti la scriura 'a Luzzitana
ppe' la vrigogna s'ammuccia lu Suli. |
|
