Oh, Signuri…


Oh Signuri, lodatu e benidittu
Chi facisti sta terra, parmu a parmu
Chi ndi guardi i supra du suffittu
Movi stu cori chi ddiventau di marmu.

Oh Signuri, mbiatu e onnipotenti
Chi sulu, criasti tuttu l’universu
Quandu ddiventa l’omu ntelligenti
Quandu si trova, quandu esti persu?

Oh Signuri, mpizzatu nta ssa cruci
Chi volivi i sarvi i nostri peccati
U populu Ti rrinnegau, a gran vuci
Ti vindju conu nu saccu di patati.

Oh Signuri, chi guai passasti tanti
Torna ancora a menzu a chista genti
Chi da vita da cresia esti latitanti
Pecchì pa ora, non ci bisogna nenti.

Dopu da luna, nui rrivammu a marti
Ma ora eu tu cercu, pa piaciri
Si cu n’aereu, rrivu pa ssi parti
Trovimi nu postu a menzu e nigri,

A menzu a strazzuni e poveracci
Chi stannu bbonu cu nu mmorzu i pani
A menzu a sauriti, a menzu a pacci
Sarvimi Tu, di sti farzi cristiani.